CNN: Netanyahu ka rënë në gracën e një krize që e krijoi vetë në Gaza
Izraeli duket se po e kthen prapa politikën e vet shumë të diskutueshme për ndihmat në Gaza, e cila çoi në kundërshtime ndërkombëtare për vdekjet dhe urinë e panevojshme të palestinezëve, thotë në një analizë televizioni amerikan, CNN.
Pretendimi i kryeministrit izraelit, Benjamin Netanyahu, se plani i ri i shpërndarjes së ndihmave nuk është sprapsje vetëm i nxitë spekulimet se ai është.
Ai është zënë në grackën e një avarie që e ka krijuar vetë. Bisedimet për armëpushim u prishën të premten, kur ai e ktheu delegacionin izraelit në Jerusalem, pikërisht kur kritikat ndërkombëtare për vdekjet nga kequshqyerja e arritën kulmin.
I rrëshqiti nga duart një akt baraspeshues që do të mund të sillte shpërndarje të përmirësuar të ndihmave në Gaza bashkë me një marrëveshje për lirimin e pengjeve izraelite nga duart e Hamasit, koncesione për një zonë neutrale kufitare të Gazës, ose madje një rrugë drejt armëpushimit të qëndrueshëm.
Ajo që i mbeti Netanyahut ishte presioni ndërkombëtar në rritje për ta rregulluar mungesën e ushqimit në Gaza. Mbikëqyrja po ia shtypte shpresën e nxjerrjes së koncesioneve nga Hamasi, i cili, nga këndvështrimi i Izraelit, është duke u argëtuar përderisa izraelitët përpëliten, dhe do ta shfrytëzojë narrativën për vdekje nga uria.
Mënyra e vetme për ta zgjidhur këtë, që të shtyhet përpara rrëfimi, të largohet vdekja nga uria nga ballinat dhe të rimerret kontrolli i narracionit ishte një kthim prapa rreth muajve të bllokadës dhe heqja e rrethimit pak.
Megjithatë, asnjë sasi e ndihmave nuk do t’ua ndalë vdekjen atyre që janë afër saj për shkak të urisë dhe zemërimi ndërkombëtar ka pak gjasa që të qetësohet shpejt. Hamasi mund të ndihet i trimëruar që ta shfrytëzojë këtë presion për të kërkuar kushte më të mira në bisedimet për armëpushim.
Para ndryshimit të qartë të Netanyahut, dukej se ai ishte buzë detyrimit të Hamasit që grupi t’i rishikonte përsëri kërkesat e veta. Kur shpërblimi për përmirësim të ndihmave tani praktikisht është në tavolinën e bisedimeve, Netanyahu mund të mos jetë në gjendje që ta kthejë shpejt baraspeshën në favorin e tij./Nacionale
