Çmime të reja të derivateve të naftës

Duke filluar nga sonte në mesnatë, çmimet e benzinës do të ulen me dy denarë, çmimet e dizelit do të ulen me një denar, ndërsa çmimet e vajit ekstra të lehtë për amvisëri do të ulen me 2.5 denarë për litër, vendosi sot Komisioni Rregullator i Energjetikës (KRRE). Vendimi ul çmimet me pakicë të derivateve të naftës me një mesatare prej 2.3 përqind krahasuar me vendimin e mëparshëm.

Çmimi i ri me pakicë i Eurosuper BS-95 do të jetë 75.5 denarë për litër, Eurosuper BS-98 do të shitet për 77.5, Eurodizel BS (D-E V) për 69.5, dhe vajit ekstra të lehtë për amvisëri (EL-1) për 69.5 denarë për litër.

Vendimi i KRRE-së ul edhe çmimin me pakicë të mazutit M-1 NS për 0.605 denarë për kilogram dhe do të arrijë në 39.583 denarë.

KRRE thekson se çmimet referuese të derivateve të naftës në tregun botëror, krahasuar me llogaritjen e mëparshme, janë ulur mesatarisht me 5.671 përqind për benzinën, 2.639 përqind për dizelin, 6.774 përqind për vajin ekstra të lehtë dhe 1.701 përqind për mazutin.