Chiesa nis udhëtimin për në Liverpool: Më vjen keq që u ndava kështu nga Juventusi!
Federico Chiesa është gati për një aventurë të re në Angli. Eksperti i merkatos, Fabrizio Romano, ka raportuar se sulmuesi italian do të jetë futbollisti më i ri i Liverpooli.
“Reds”-at kanë rënë dakord me “Zonjën e Vjetër” për të transferuar Chiesën me një shumë prej 13 milionë eurosh, plus dy të tjera bonuse.
Chiesa do të udhëtojë për në Liverpul, aty ku do të firmosë një kontratë 4-vjeçare dhe do të bashkohet me skuadrën e Arne Slot.
“Jam shumë i lumtur. Mezi po pres të bashkohem me Liverpool. Unë dhe familja ime jemi vërtet të lumtur. Dua të falënderoj Juventusin dhe fansat.
Ata kanë qenë shumë special për mua. Tani është koha për Liverpool. Jam shumë i lumtur dhe mezi po pres!”, u shpreh Chiesa.
