Çfarë i bën uria trupit të njeriut?

Rripi i Gazës po përjeton një krizë urie si pasojë e një bllokade pothuajse pesëmujore nga Izraeli ndaj ushqimit, karburantit, ujit dhe ndihmave të tjera humanitare.

Sekretari i Përgjithshëm i OKB-së, Antonio Guterres, i tha Këshillit të Sigurimit të hënën se “uria po troket në çdo derë” në këtë enklavë palestineze të rrethuar.

Uria ndodh kur trupi i njeriut privohet nga ushqimi për një periudhë të zgjatur kohore, duke shkaktuar probleme të rënda shëndetësore dhe shpesh duke çuar në vdekje.

Vlerësimet sugjerojnë se trupi mund të mbijetojë deri në tre javë pa ushqim, megjithëse kjo kohë ndryshon nga individi në individ.

Uria zhvillohet në tri faza. Faza e parë fillon që kur një vakt anashkalohet; e dyta ndodh pas një periudhe të gjatë agjërimi, kur trupi fillon të përdorë dhjamin e depozituar për energji.

Faza e tretë, dhe shpesh fatale, ndodh kur të gjitha rezervat e yndyrës janë shteruar dhe trupi fillon të konsumojë indet kockore dhe muskulore si burim energjie. /Al Jazeera/