Çfarë duhet të dini për seancat në Gjykatën Ndërkombëtare të Drejtësisë (GJND)
Dita e tretë e seancave po vazhdon në Gjykatën Ndërkombëtare të Drejtësisë (ICJ).
Procesi pesëditor që filloi të hënën po trajton detyrimet e Izraelit në territoret palestineze të pushtuara, përfshirë Gazën dhe Bregun Perëndimor.
Paneli prej 15 gjyqtarësh të ICJ-së do të dëgjojë së paku 40 shtete dhe organizata për të hartuar një të ashtuquajtur opinion këshillimor për detyrimet humanitare të Izraelit ndaj palestinezëve, 60 ditë pas bllokadës totale të ndihmës për Gazën e shkatërruar nga lufta.
Vitin e kaluar, Asambleja e Përgjithshme e OKB-së i kërkoi ICJ-së, e njohur gjithashtu si Gjykata Botërore, të shqyrtojë përgjegjësitë ligjore të Izraelit pasi ky i fundit bllokoi operimin e UNRWA-s në territoret e kontrolluara nga Izraeli.
Ky rast është i ndarë nga çështja e gjenocidit që po zhvillohet aktualisht në ICJ. Kjo çështje, e ngritur nga Afrika e Jugut, akuzon Izraelin për kryerjen e gjenocidit në Gaza. Në janar 2024, gjykata i kërkoi Izraelit të marrë masa për të mbrojtur palestinezët nga rreziku i gjenocidit, përfshirë ofrimin e ndihmës humanitare dhe shërbimeve jetike.
Por Izraeli është akuzuar se ka shpërfillur urdhrin e gjykatës dhe, që nga data 2 mars, nuk ka lejuar asnjë ndihmë të hyjë në Gaza, e cila – sipas OKB-së – përballet me urie masive nëse nuk lejohet futja e ushqimit në enklavë.
