Bekim Sali: Pritëm në Shkup deputetët e Lëvizjes Vetëvendosje
Deputeti i VLEN-it, Bekim Sali së bashku me Sekretarin Organizativ të Alternativës, Bashkim Murtezi he deputeten e VLEN-it, Merita Koxhaxhiku, kanë pritur në Shkup disa nga deputetët e Lëvizjes Vetëvendosje.
Statusi i plotë i deputetit Sali në Facebook:
Sot, së bashku me Sekretarin Organizativ të Alternativës, Bashkim Murtezi, dhe deputeten e koalicionit VLEN, Merita Koxhaxhiku, pritëm në takim me qytetarët deputetët e Lëvizjes Vetëvendosje, Mefail Bajqinovci, Valon Ramadani dhe Nijazi Isaki. Gjatë këtij takimi, vizituam edhe shtabin zgjedhor të Vetëvendosjes në Çarshinë e Vjetër të Shkupit. Diskutuam rreth situatës aktuale politike, si dhe për zgjedhjet në Kosovë, të cilat kanë një rëndësi të veçantë për shtrirjen e sovranitetit në çdo cep të saj.
