BE përshëndet zhvillimin konkurrues të zgjedhjeve lokale në RMV
Bashkimi Evropian ka përshëndetur faktin që zgjedhjet lokale në Maqedoninë e Veriut ishin konkurruese dhe se liritë themelore u respektuan në masë të madhe, edhe pse ato u mbajtën në një ambient politik të lartë të polarizuar dhe me disa mangësi procedurale, ka deklaruar zëdhënësi i Komisionit Evropian për Zgjerim – Guillaume Mercier.
“BE-ja i vëren konstatimet dhe përfundimet paraprake të misionit ndërkombëtar vëzhgues të zgjedhjeve lokale në Maqedoninë e Veriut, të mbajtura më 19 tetor 2025,” theksoi Mercier.
Sipas tij, BE-ja e inkurajon vendin që t’i adresojë të gjitha rekomandimet e Zyrës për Institucione Demokratike dhe të Drejtat e Njeriut (ODIHR), përfshirë edhe ato që lidhen me ndryshimin e Kodit Zgjedhor.
