BDI-ja – AKI-ja po dezintegrohet, por çka me Selën dhe Taravarin?!

Shkruan: Skender MUSLIU

Pas humbjes historike dhe katastrofale të koalicionit AKI në zgjedhjet komunale, pjesë e së cilës ishin Mendu Thaqi nga PDSH-ja, Zijadin Sela, Arben Taravari, A. Hoxha, dhe jo vetëm, nga pakënaqësia dhe zhgënjimi i anëtarësisë dhe rezulateve të dobëta, AKI-ja filloi të dezintegrohet, respektivisht, së pari nga ky koalicion doli Menduh Thaqi duke pasuar me A. Hoxhën dhe tani me Zijadin Selën. Kurse Taravari, i kapur dhe i shantazhuar nga Ali Ahmeti, për momentin është i obliguar të ngelë në AKI, derisa nuk e liron Ahmeti. Madje, bizarisht Taravari deklaron se do të vazhdojë të qëndrojë në AKI-i, sepse pret « reforma të mira » në Kongresin e BDI-së ! Kjo n’a jep të kuptojmë se ai definitivisht po shkëputet nga ASH-ja dhe po bëhet pjesë përbërëse, jo e AKI-së, por e BDI-së, të cilën ai e luftoi gjatë tërë karierës së tij politike.

Tani, pyetja e vërtetë që shtrohet, është se, çfar do të ndodh me Zijadin Selën dhe Arben Taravarin !? Sepse, edhe njeri edhe tjetri pretendojnë se janë kryetar të ASH-ës, edhe pse të dytë janë larguar me vetëiniciativë nga partia ! Në gjykimin tim, Sela dhe Taravari kanë ngelë me disa deputet, mirëpo pa parti. Kjo nga fakti se, me largimin e Zijadin Selës nga ASH-ja dhe shkuarja e tij te BDI-ja (AKI-ja), nuk nënkupton se e ka marrë ASH-ën me veti, sepse partia nuk është objekt që mund t’a bartish. Të përkujtoj se, partitë politike janë subjekte, të organizuara dhe strukturuara në bazë të normativës regullative të brendshme, të regjistruara sipas ligjit dhe që veprojnë në suaza të sistemit politik dhe juridik, e që sanksionohen me ligj.

Sikurse largimin e tij, Sela t’a kishte bërë në konsultim dhe marrëveshje paraprake me organet vendimarrëse të partisë, duke iu propozuar koalicion me BDI-në, dhe sikur kjo të ishte miratuar, atëherë çdo gjë do të ishte në suaza të Statutit. Mirëpo kjo nuk ka ndodhur, respektivisht pas larginmit të tij, Sela e improvizoi një mbledhje të « Këshillit të përgjithshëm », kinse për t’a legjitimuar dhe vërtetuar lidershipin e tij në parti, mirëpo ky veprim ishte ilegal dhe jashta dispozitave statutore, edhe pse ai arsyetohej me faktin se e kishte vulen e partisë. Kjo nuk don të thot se, një ushtrak i graduar që dezerton, e merr edhe ushtrinë me veti.

E gjithë kjo vlen edhe për largimin e Arben Taravrit që veproi në mënyrë identike, si Sela, duke iu bashkuar BDI-së – AKI-së.

Mirëpo, situata do të ishte krejtësisht ndryshe, sikurse Sela dhe pastaj Taravari të kishin vepruar si fraksione, por gjithënjë në suaza të ASH-ës , duke e ruajtu substancën e anëtarëisë.

Sëkëndejmi, konsideroj se ASH-ja ka ngelë aty ku ka qenë edhe më parë, dmth pranë anëtarëisë, por tani më të konsoliduar, aty ku është Arben Fetai, i cili i ngeli besnik anëtarësisë dhe nuk e tradhtoi elektoratin duke i thënë, jo Selës, Taravarit dhe Ali Ahmetit.

Me largimin e Selës dhe Taravarit, fatkeqësiht disa deputet iu bashkuan atyre duke u bërë pjesë e AKI-së, ku BDI-ja kishte rolin kryesor, udhëheqës dhe vendimarrës, kurse të tjerët iu shërbyen si patericë e e saj.

Ende nuk e kam të qartë, se si këta deputet vendosën t’iu shkojnë mbrapa liderëve, që për interesa personale dhe karieriste e braktisën partinë dhe anëtarësinë. Këte e them sepse, konsideroj se deputetët në fjalë, janë intelektual, me përvojë në Kuvend, kanë qenë shumë aktiv, në vazhdimësi kanë dhënë një kontribut të çmuar, kanë qenë zëri i fuqishëm, me përkushtim dhe dinjitet kanë mbrojtur interesat e shqiptarëve, të cilët, personalisht githnjë i kam përkrahur dhe vlerësuar lartë për angazhimet gjatë mandateve të e tyre, sikurse për punën nëpër Komisione ashtu edhe në seancat e Kuvendit. Edhe tani, me bindje them se, edhe më tutje ata janë për t’i vlerësuar dhe përkrahur për punën e çmuar që bëjnë në Kuvend.

Qëllimi i ASH-ës, fillimisht ka qenë gara politike për t’a fituar BDI-në si kundërshtar politik, e cila për 23 vite dominoi skenën politike shqiptare në RMV-ë duke iu shkaktuar dëme të pariparueshme interesave shqiptare.

Mirëpo, tani me fuqizimin e koalicionit VLEN, në nivelin qendror dhe ate lokal, gjykoj se deputetët e Selës dhe Taravarit do të duhej të reflektonin, duke iu kthyer « shtëpisë së tyre » dhe bashkëanëtarësisë, aty ku edhe e kanë vendin, respektivisht te ASH-ja e tyre, që së bashku me Arben Fetain dhe të tjerët, qenësisht do t’a forconin partinë dhe koalicionin VLEN, kurse Sela dhe Taravari, mbase u kompromituan dhe dështuan politikisht, pas gabimeve fatale duke iu bashkangjitur Ali Ahmetit, mund t’iu kthehen profesionit të tyre, mjekësisë.

Sepse, kryetarët e partive vijnë e shkojnë, kurse partia i ngelë anëtarësisë, si aset politik.