Bardhezinjtë marrin frymë, Juventus fiton ndeshjen e parë pa Tudor

Në javën e 9-të të Serie A, tri skuadra kryesore kanë arritur fitore të rëndësishme: Juventus, Roma dhe Como.
Bardhezinjtë u rikthyen te fitorja pas tre humbjeve radhazi dhe largimit të trajnerit Tudor.
Në stadiumin Allianz, Juventus mposhti Udinese me rezultatin 3-1. Vlahović dhe Jildiz realizuan nga penalltia, ndërsa golin tjetër e shënoi Posh.

Për Udinese, golin e vetëm e realizoi Zaniolo. Ky sukses i rikthen “Zonjës së Vjetër” besimin dhe tri pikë të rëndësishme, ndërsa trajneri Brambilla ia kalon shkopin Spallettit me këtë triumf.

Roma regjistroi një fitore të pastër 2-1 kundër Parma, duke u ngjitur në kuotën e 21 pikëve dhe duke iu bashkuar Napoli në krye të tabelës.

Ndërkohë, Como arriti një sukses të rëndësishëm 3-1 ndaj Verona-s, duke u ngjitur në katërshe.

Golin e tretë për skuadrën italiane e realizoi mbrojtësi i përfaqësueses së Kosovës, Mërgim Vojvoda.