Barçës i lëndohet sërish Torresi
Pas formës së mirë që ishte duke e kaluar në ndeshjet e fundit, sulmuesi i Barcelonës Ferran Torres është lënduar sërish.
“Mundo Deportivo” ka raportuar të martën se Torres ka probleme me shpinë.
Ai pritet t’i mungojë Barçës më 4 janar në ndeshjen ndaj Barbastros që është e vlefshme për Kupën e Mbretit.
Torres pritet t’i kryej testet mjekësore dhe më pas do të kuptohet shkalla e lëndimit.
Për Torresin është lëndimi i dytë që e pëson këtë edicion.
Ai u lëndua edhe më 7 tetor. Në fushë u kthye në fund të muajit të kaluar.
Në 16 ndeshjet e zhvilluara këtë edicion, spanjolli Torres ka shënuar pesë gola dhe kontribuoi me dy asistime.
