Bajdeni hutohet sërish, ngatërron Makronin me të vdekurin Miterandin
Presidenti amerikan, Joe Biden, gjatë një fjalimi bëri një tjetër gafë, duke ngatërruar presidentin francez, Emmanuel Macron, me François Mitterrand, ish-President i Francës që vdiq më 8 janar në vitin 1996.
Po ashtu, ai ngatërroi edhe Francën me Gjermaninë kur tha se Miterrand nga Gjermania i kishte thënë: “Amerika u kthye!” Shtëpia e Bardhë më vonë publikoi tekstin e fjalimit në të cilin emri i Miterrand u ndryshua në Macron.
Biden është presidenti më i vjetër aktual i SHBA-së dhe gjatë mandatit të tij ka bërë një sërë gafash.
Nëse ai rizgjedhet këtë nëntor, do të mbushte 87 vjeç në fund të mandatit të tij të dytë.
