Autobusi del nga rruga dhe bie në humnerë, të paktën 15 të vdekur në Sri Lanka

15 persona u vranë dhe 16 u plagosën kur një autobus pasagjerësh doli nga rruga dhe ra në një përrua në zonën malore të Sri Lankës, njoftoi sot zëdhënësi i policisë Fredrik Wutler.

Aksidenti ndodhi të enjten në mbrëmje pranë qytetit Welawaya, rreth 280 kilometra në lindje të kryeqytetit Colombo, tha ai, sipas Associated Press.

Autobusi ra në një përrua rreth 300 metra të thellë, dhe pesë fëmijë ishin midis të plagosurve.

Sipas rezultateve të para të hetimit, shoferi po drejtonte mjetin me shpejtësi të lartë, humbi kontrollin, goditi një mjet tjetër dhe më pas një parmak mbrojtës, pas së cilës ra nga shkëmbi.

Në momentin e aksidentit në autobus ndodheshin rreth 30 pasagjerë.

Televizioni lokal transmetoi pamje të autobusit të dëmtuar rëndë në fund të përroit, ndërsa ushtarët përpiqeshin të largonin rrënojat.

Aksidentet fatale me autobusë janë të zakonshme në Sri Lanka, veçanërisht në zonat malore, për shkak të drejtimit të parregullt të automjeteve, si dhe rrugëve të ngushta dhe të mirëmbajtura dobët.