Artisti palestinez shkruan në bregdetin e Gazës “Mirë se vjen Ramazan”
Në plazhin e Deir al-Balah në Rripin qendror të Gazës, artisti palestinez i zhvendosur Yazid Abu Jarrad shkroi në rërë “Mirë se vjen Ramazan”, raporton Anadolu.
Me dëshirën për të lënë gjurmë që pasqyron gëzimin e Ramazanit në zonën ku ndodhen tendat e palestinezëve të zhvendosur, Abu Jarrad shkroi në rërë “Mirë se vjen Ramazan”.
Duke thënë se populli i Gazës ka vuajtur shumë për dy vjet për shkak të sulmeve izraelite, artisti palestinez Abu Jarrad tha: “Doja që gëzimi i Ramazanit të reflektohej në fytyrat e njerëzve. Shpresojmë të mos ketë luftë këtë Ramazan”.
Kjo vepër arti në plazh, e krijuar mes zhvendosjes dhe kushteve të vështira të jetesës, pasqyron gëzimin e mirëseardhjes së muajit të Ramazanit që po afron dhe në të njëjtën kohë tregon se arti mund të krijojë një gjuhë shprese dhe qëndrueshmërie edhe me burimet më të kufizuara.
