Arrestohet një 59-vjeçar që goditi një të mitur dhe u largua nga vendi i ngjarjes
Dje, zyrtarë policorë nga Njësia e Policisë Ndërhyrëse pranë SPB Shkup arrestuan B.R. (59) nga Shkupi.
Më 28.10.2025, rreth orës 20:30, në rrugën “Pero Nakov” në Shkup, ai me një automjet “Fiat Seicento” ka goditur një vajzë 11-vjeçare nga Shkupi, pas çka është larguar nga vendi i ngjarjes me automjetin.
Nga aksidenti, e mitura ka pësuar lëndime të rënda trupore, të konstatuara në Kompleksin e Klinikave “Nënë Tereza”.
Menjëherë pas marrjes së kallëzimit, janë ndërmarrë masa dhe veprime të duhura, dhe shoferi bashkë me automjetin janë gjetur. Me urdhër të prokurorit publik, B.R. është ndaluar në stacion policor, ndërsa pas dokumentimit të plotë të rastit, ndaj tij do të ngrihet kallëzim penal përkatës.
