Arrestime gjatë protestës kundër shpalljes terroriste të ‘Palestine Action’ në Londër
Policia në Londër ka arrestuar protestues që kërkonin heqjen e shpalljes së Palestine Action si organizatë terroriste.
Qindra persona ishin mbledhur në Sheshin e Parlamentit në Westminster, duke mbajtur pankarta me mbishkrimet “Unë mbështes Palestine Action” dhe duke kundërshtuar gjenocidin e vazhdueshëm të Izraelit në Gaza.
“Oficerët kanë filluar arrestimet për shprehjen e mbështetjes ndaj organizatës së shpallur terroriste Palestine Action në protestën e organizuar nga Defend Our Juries,” tha Policia Metropolitane në një deklaratë.
Defend Our Juries (DOJ), e cila ka organizuar protesta të rregullta që nga momenti kur qeveria vendosi ta shpallë Palestine Action si organizatë të ndaluar në korrik, u ka thënë protestuesve që u regjistruan për demonstratën e së shtunës të mos jepnin të dhënat e tyre tek oficerët për të detyruar procesimin masiv në stacionet e policisë.
Grupi kishte planifikuar një konferencë për shtyp të martën për të njoftuar se rreth 1,500 persona do të rrezikonin arrestimin sipas Ligjit për Terrorizmin, për shkak të mbajtjes së pankartave me shkrimin: “Unë kundërshtoj gjenocidin. Unë mbështes Palestine Action.”
