Apple prezantoi iPhone 16
Kompania Apple prezantoi sonte një numër produktesh të reja në një ngjarje që ata e quajtën “It’s Glowtime”, ku ylli i prezantimit është iPhone 16 në ngjyra të reja – e kaltër e mbylltë, gjelbër-kaltër dhe rozë.
Modeli i ri është rezistues ndaj ujit dhe pluhurit dhe ka një ekran të ri qelqi-qeramikë 50 për qind më i fortë se modeli i mëparshëm dhe dy herë më i fortë se çdo telefon tjetër i zgjuar.
Ai do të jetë i disponueshëm në modelet 6.1 inç dhe 6.7 inç në modelet bazë dhe Plus. Të dy do të kenë një buton të ri veprimi të personalizuar në anën e majtë. Mund ta programoni butonin Veprim për të bërë gjëra të ndryshme në varësi të kohës së ditës. Ai gjithashtu ka një veçori të re “kontrolli të kamerës”.
Ky kontroll ndodhet në anën e iPhone 16 dhe mund ta rrëshqitni për të rregulluar cilësimet e kamerës, të cilat do të jenë më pak të dukshme në këto modele.
Gjithashtu u prezantua A18 Bionic, i cili ka CPU-në me gjashtë bërthama – dy bërthama të performancës dhe katër bërthama efikasiteti. CPU është deri në 30 për qind më i shpejtë se CPU në iPhone 15. Sa i përket Apple Intelligence, kompania ka theksuar se kryesisht kujdeset për veçoritë e sigurisë.
Apple Intelligence është integruar në të gjithë sistemin, ku janë shtuar mjete shkrimi, si dhe emotikon të rinj që përdoruesit mund të krijojnë duke shtypur një përshkrim. Përdoruesit do të jenë në gjendje të kenë qasje në fotot e vjetra në albume duke përshkruar se çfarë ka në to.
Siri po merr gjithashtu një përmirësim të Apple Intelligence, duke u përmirësuar në të kuptuar edhe kur i jep udhëzime të paqarta. Siri tani mund të jep gjithashtu udhëzime se si të përdorni iPhone, i cili do të jetë veçanërisht i dobishëm për përdoruesit e vjetër.
Butoni i kontrollit të kamerës është projektuar që të jetë i lehtë për t’u përdorur dhe mund të aktivizohet në orientim peizazhi ose portreti. Duke klikuar mbi të hapet aplikacioni i kamerës, ose thjesht mund të klikoni përsëri për të bërë një foto. Klikoni dhe mbani për të filluar regjistrimin e videos.
Ai gjithashtu do të njohë gjestet e prekjes dhe do të jetë në gjendje të dallojë midis një “klikimi të plotë” dhe një “shtypje më të lehtë”. Një shtypje e lehtë mund t’ju ndihmojë të përqendroheni, dhe gjithashtu hap një shtresë të re për të tërhequr dhe rregulluar cilësime të tjera si apertura ose fokusi. Mund të përdoret gjithashtu në aplikacione si Snapchat. Aplikacioni i Fotove gjithashtu është ridizajnuar.
Apple ka prezantuar edhe gjeneratën e katërt të AirPods dhe AirPods Plus. Izolimi i zërit është përmirësuar dhe gjurmon gjithashtu lëvizjet e kokës duke përdorur teknologjinë AI. Kutia e mbushjes USB-C është më e vogël dhe mund të prisni deri në 30 orë jetëgjatësi të baterisë. AirPods 4 do të kushtojë 129 dhe 179 dollarë.
Në eventin e Apple u prezantua edhe iPhone Pro 6.3 inç dhe 6.9 inç në Pro dhe Pro Max, të cilët janë ekranet më të mëdhenj të iPhone deri më sot. U prezantua gjithashtu një ngjyrë e re Desert Titanium me korniza më të hollë se modelet e mëparshme. Bateria gjithashtu është përmirësuar.
iPhone 16 Pro do të mundësohet nga çipi A18 Pro, i cili është më i shpejtë se A18. Ai përdor të njëjtin dizajn 3 nanometra të gjeneratës së dytë dhe ka një motor nervor me 16 bërthama që është më i shpejtë dhe më efikas se A17 Pro. Çmimi i iPhone 16 do të jetë 799 dollarë, ndërsa i iPhone 16 Plus – 899 dollarë.
Apple ka prezantuar edhe serinë e dhjetë të orës së mençur. Poshtë kristalit të përparmë është ekrani i parë OLED me kënd të gjerë të Apple. Apple Watch i ri do t’u sigurojë përdoruesve një pamje më të mirë në një kënd dhe do të jetë ora më e hollë ndonjëherë.
