Aktivistja Noam Nov: 500 “izraelitë” në vit kryejnë vetëvrasje, ndërsa numri i tentativave është 10 herë më i madh

Aktivistja izraelite në fushën e shëndetit mendor, Noam Nov, ka deklaruar se mes 400 dhe 500 izraelitë në vit humbin jetën përmes vetëvrasjes, ndërsa numri i tentativave është 10 herë më i madh ose edhe më i lartë, sipas raporteve të shërbimeve shëndetësore të okupimit për vitin 2020.

Ajo tha për gazetën izraelite Yedioth Ahronoth se numri i rasteve të vetëvrasjeve tejkalon numrin e vdekjeve të shkaktuara nga aksidentet rrugore dhe dhuna në familje.

Nov shpjegoi se vetëvrasja është bërë shkaku i dytë më i madh i vdekjes tek adoleshentët në entitetin e okupimit, dhe se në shumicën e viteve ky numër është më i lartë se ai i ushtarëve të vrarë në luftëra dhe operacione të mëdha ushtarake.

Sipas raporteve të shërbimeve shëndetësore të okupimit për këtë vit, vetëvrasja zë vendin e dytë mes shkaqeve të vdekjes tek adoleshentët në “Izrael”, dhe vendin e dytë ose të tretë mes burrave dhe grave nën moshën 35-vjeçare.

Nov theksoi se mediat nuk pranojnë shifrat reale mbi shkallën e vetëvrasjeve. Ajo shtoi: “Raportimi mediatik dhe rrjetet sociale e paraqesin situatën sikur çdo javë një person humb jetën përmes vetëvrasjes, por e vërteta është shumë më e rëndë.”