Aksident trafiku në jug të Afganistanit, të paktën 21 të vdekur

Në një aksident trafiku në jug të Afganistanit kanë mbetur të vdekur të paktën 21 persona dhe 38 tjerë janë lënduar, raporton agjencia “AP” të dielën.

Aksidenti ka ndodhur në mëngjesin e të dielës në qarkun Gerashk në provincën Helmand. Një motoçikletë është përplasur në një autobus të pasagjerëve në autostradën kryesore mes Kandaharit dhe Heratit. Autobusi më pas e goditi një tanker të naftës që shpërtheu.

Autoritetet e Departamentit të Trafikut në Helmand kanë thënë se po hetohet rasti.
11 nga 38 të lënduarit janë në gjendje të rëndë, ka thënë zëdhënësi i Policisë së Helmandit, Hzatullah Haqqani.

Aksidentet e trafikut nuk janë të pazakonta në Afganistan, ndërsa ndodhin kryesisht për shkak të gjendjes së rëndë të rrugëve dhe pakujdesisë së shoferëve.