Afrika e Jugut akuzon Izraelin për përdorimin e urisë si “armë lufte’
Afrika e Jugut është vendi më i fundit që dënon Izraelin për bllokimin e ndihmave në Gaza, duke thënë se kjo është një tjetër dëshmi se po e përdor “urinë” si armë kundër palestinezëve.
“Afrika e Jugut dënon ashpër refuzimin e Izraelit për të lejuar ndihmën humanitare në Rripin e Gazës dhe mbylljen e pikave kufitare në një kohë kur populli i Gazës po përjeton vuajtje të pamasë dhe ka nevojë urgjente për ushqim, strehim dhe ndihmë mjekësore,” thuhet në një deklaratë të Ministrisë së Jashtme të Afrikës së Jugut.
“Ndalimi i ushqimit për të hyrë në Gaza është një vazhdim i përdorimit të urisë nga Izraeli si armë lufte, si pjesë e fushatës së vazhdueshme që Gjykata Ndërkombëtare e Drejtësisë (ICJ) e ka cilësuar si një gjenocid të mundshëm kundër popullit palestinez.”
Në janar 2024, Afrika e Jugut ngriti një çështje për gjenocid kundër Izraelit në ICJ. Gjykata dha një urdhër detyrues për Izraelin që të ndalojë aktet e gjenocidit duke rritur ndihmën humanitare.
