Abu Dhabi: Përfundon dita e dytë e bisedimeve Ukrainë-Rusi të ndërmjetësuara nga SHBA-të
Ka përfunduar dita e dytë e bisedimeve midis Ukrainës dhe Rusisë, të ndërmjetësuara nga Shtetet e Bashkuara në Abu Dhabi.
Lajmi u konfirmua nga Diana Davityan, zëdhënëse e negociatorit ukrainas Rustem Umerov, e cila u përgjigj shkurt “Po”, kur u pyet nëse takimi kishte përfunduar.
Edhe agjencitë ruse të lajmeve raportuan se delegacioni rus është kthyer në hotelin e tij në Abu Dhabi.
Sipas burimeve zyrtare, dita e dytë e negociatave zgjati rreth tre orë.
