Bekim Sali: Emri i Azem Moranës u vulos përmes shkollës në zemrën e Studeniçanit
Deputeti i koalicionit VLEN, Bekim Sali, nga konaku i familjes Morana në Shkup, ka thënë se emri i Azem Moranës, është vulosur me shekuj përmes shkollës që gjendet në Studeniçan.
“Shkupi ka shumë emra, por njëri prej më të njohurve është ai i veprimtarit dhe heroit Azem Morana.
Bashkë me Kryetarin e Kuvendit, Afrim Gashi,, kryetarin e Alternativës dhe njërin prej liderëve të VLEN, Zeqirija Ibrahimi, kandidatin e VLEN-it për Komunën e Çairit, Izet Mexhiti u pritëm në konakun e ngrohtë të familjes Morana.
Familja Morana ka dhënë shumë për shqiptarët! Emri i Azem Moranës tashmë është i vulosur me shekuj përmes shkollës që gjendet në zemrën e Studeniçanit”, ka shkruar deputeti Sali.
