Policia fillon asrretimin e “kaubojve të dasmave” edhe në Maqedoni të Veriut

Dy burra janë arrestuar në Dibër pasi kanë qëlluar me armë zjarri gjatë festimeve familjare, njofton Ministria e Punëve të Brendshme.
Sipas njoftimit zyrtar, më 4 gusht 2025, rreth orës 00:15, zyrtarët policorë nga Stacioni Policor i Dibrës ka ndaluar F.P. (28) nga Dibra, pas një denoncimi se kishte shtënë me pistoletë gjatë një feste familjare. Armës i është konfiskuar, dhe pas dokumentimit të plotë të rastit, ndaj tij do të ngrihet kallëzim përkatës.
Ndërkohë, një tjetër person, B.Ç. (31) nga Dibra, është ndaluar më 3 gusht 2025 në orën 22:45. Ai kishte qëlluar me një pistoletë sinjalizuese, të cilën e posedonte pa dokumentacion të duhur. Edhe në këtë rast arma është konfiskuar dhe po përgatitet kallëzimi përkatës penal.
MPB bën apel për shmangien e përdorimit të armëve nëpër festa, duke kujtuar se këto veprime përbëjnë rrezik për sigurinë publike dhe janë të ndëshkueshme me ligj.