VLEN: Kryeparlamentari Gashi në Tetovë për thellimin e bashkëpunimit ndërinstitucional

Në kuadër të praktikës për të qëndruar afër komunave dhe për të dëgjuar nga afër nevojat e qytetarëve, sot kryeparlamentari Afrim Gashi, realizoi një vizitë pune në Komunën e Tetovës, ku u prit nga Kryetari Bilall Kasami.

Gjatë takimit u diskutua për sfidat aktuale dhe projektet strategjike që lidhen me zhvillimin e qytetit, përfshirë bashkëpunimin më të ngushtë ndërmjet nivelit lokal dhe atij qendror. “Kemi nevojë për koordinim më të madh mes institucioneve në të gjitha nivelet. Një hap konkret në këtë drejtim do të jetë edhe vënia në funksion e zyrave të deputetëve nëpër komuna, në mënyrë që qytetarët të kenë qasje më të drejtpërdrejtë dhe efikase”, u shpreh Gashi.

Në takim u theksua edhe përkushtimi i përbashkët për të adresuar denjësisht interesat e qytetarëve të Tetovës dhe të rajonit, si dhe për të ndërtuar një të ardhme më të mirë për të gjithë.

VLEN vlerëson se ky angazhim është shembull i qeverisjes afër qytetarëve dhe i përgjegjësisë institucionale për të sjellë ndryshim të prekshëm në jetën e përditshme të tyre.