Këshilli i mandateve miraton heqjen e imunitetit të Sali Berishës
Këshilli i Mandateve miratoi dhënien e autorizimit nga Kuvendi për heqjen e Imunitetit të ish-kryeministrit Sali Berisha, pas kërkesës së SPAK për arrestimin e tij, raporton EuronewsAlbania.
Në Këshillin e mandateve u miratua me 6 vota pro dhënia e autorizimit nga Kuvendi për heqjen e imunitetit të Berishës dhe asnjë kundër apo abstenim.
Tani vendimi do të kalojë në seancën e ardhshme plenare në Kuvend, ku duhet të marrë edhe miratimin e mbi 50% të deputetëve, në mënyrë që t’i hapet rrugë “masës së arrestit” ndaj Berishës nga SPAK.
Kujtojmë se SPAK ka kërkuar masë arresti ndaj Ish-kryeministrit Berisha, pas mosrespektimit nga ana e tij e masave të vendosura më herët që ishin “detyrim paraqitje” dhe “ndalim i daljes nga vendi”.
Berisha akuzohet për korrupsion në çështjen e privatizimit të ish-kompleksit Partizani.EuronewsAlbania.
