Huthit sulmojnë me raketë veriun e Izraelit
Rebelët jemenas kanë marrë përgjegjësinë për një sulm pranë qytetit të Haifës mëngjesin e sotëm, duke thënë se kishin në shënjestër një bazë ushtarake në veri të Izraelit.
Zëdhënësi i tyre ushtarak deklaroi në një fjalim të transmetuar në televizion se ata lëshuan një raketë balistike drejt bazës ajrore Ramat David, e cila ndodhet në juglindje të Haifës.
Ushtria izraelite tha më herët se sirenat e alarmit për mjetet ajrore armike u aktivizuan në Haifa dhe zonat përreth qytetit rreth orës 05:30 të mëngjesit, duke shtuar se raketa e lëshuar nga Jemeni u kap dhe u neutralizua.
