Babai i pikëlluar nga Gaza ngushëllohet me sendet e fëmijëve të vrarë në sulmin izraelit

Një baba palestinez që humbi pjesën më të madhe të familjes së tij në një sulm ajror izraelit vazhdon të ngushëllohet në rrobat dhe lodrat e mbetura të fëmijëve të tij të vrarë, raporton Anadolu.

Firas Wishah humbi tre nga pesë fëmijët e tij, nënën, si dhe disa të afërm kur shtëpia e tij në kampin e refugjatëve Bureij në Gazën qendrore u shkatërrua nga një sulm izraelit më 2 nëntor të vitit 2023. Ai dhe gruaja e tij u plagosën në sulm.

“Vajza e vëllait tim jeton me ne. Ajo mendon se unë jam babai i saj dhe gruaja ime është nëna e saj. Kështu na thërret”, tha Wishah.

Babai i pikëlluar shpesh kërkon në rrënojat e shtëpisë së tij të shkatërruar për kujtime nga familja e tij. Ai i var lodrat e gjetura në një litar rrobash, siç thotë ai, për të qetësuar pikëllimin e tij si dhe për t’u dërguar një mesazh avionëve izraelitë lart se po vrasin fëmijë.