Aeroplanë mallrash amerikanë furnizuan Izraelin me armë të rënda gjatë ofensivës në Gaza

Dhjetëra fluturime të avionëve ushtarakë të ngarkesave kanë mbërritur në Izrael që nga fundi i janarit, me SHBA-të që kanë operuar fluturime të rregullta që nga rifillimi i luftës muajin e kaluar, sipas të dhënave të fluturimeve të analizuara nga Agjencia Sanad e Al Jazeera-s.

Të dhënat nga Flight Radar tregojnë për lëvizjen e 47 avionëve ushtarakë, përfshirë 30 avionë të transportit ushtarak, gjatë periudhës nga 25 janari – pas zbatimit të armëpushimit në Gaza – deri më 18 prill, rreth një muaj pas rinisjes së ofensivës nga Izraeli.

Disa nga këto fluturime kanë ardhur nga shtatë vende evropiane.

Ndër këto fluturime, 16 janë realizuar pas rifillimit të luftës më 18 mars, duke thyer në mënyrë të njëanshme armëpushimin e janarit.

Autoriteti i Transmetimit i Izraelit e ka përshkruar këtë lëvizje të fundit si një “transport ajror të paprecedentë” për furnizime ushtarake. /Al Jazeera/