Hezbollahu i gatshëm të diskutojë dorëzimin e armëve nëse Izraeli tërhiqet nga Libani

Një zyrtar i lartë i Hezbollahut tha se grupi libanez është i gatshëm për bisedime me presidentin e Libanit për dorëzimin e armëve, nëse Izraeli tërhiqet plotësisht nga jugu i vendit dhe ndalon sulmet ajrore.

“Hezbollahu është i gatshëm të diskutojë çështjen e armëve të tij nëse Izraeli tërhiqet nga pesë pikat dhe ndalon agresionin ndaj Libanit,” i tha një zyrtar i paidentifikuar i Hezbollahut agjencisë së lajmeve Reuters.

Pavarësisht armëpushimit që nga nëntori, Izraeli vazhdon të ndërmarrë sulme ajrore, ndërsa SHBA-të kanë kërkuar që Hezbollahu të çarmatoset. Hezbollahu ka refuzuar prej kohësh thirrjet nga kritikët në Liban, duke i konsideruar armët e tij si thelbësore për mbrojtjen e vendit nga Izraeli.

Reuters raportoi të hënën se disa grupe të armatosura të mbështetura nga Irani në Irak janë të gatshme të çarmatosen për herë të parë, për të shmangur kërcënimin e një konflikti në përshkallëzim me administratën Trump. /Al Jazeera/