SHBA-ja ka filluar bombardimet mbi Jemen
Kanalet mediatike të lidhura me Houthit në Jemen kanë raportuar për sulme nga forcat amerikane në qytetin Saada, vendlindja e lëvizjes së tyre në veri të vendit.
“Një sulm nga agresioni amerikan” ka shënjestruar provincën Saada, raportuan agjencia e lajmeve Saba e Houthive dhe televizioni Al Masira, ndërsa dëshmitarë i thanë agjencisë AFP se kishte tre sulme në këtë zonë.
Më herët të martën, grupi i mbështetur nga Irani – i cili ka ndërmarrë një fushatë sulmesh duke pretenduar solidaritet me palestinezët – lëshoi një raketë drejt Izraelit, e cila, sipas ushtrisë izraelite, u kap dhe u neutralizua.
Ndërkohë, sulmet ajrore amerikane në Jemen vranë të paktën 53 persona gjatë fundjavës.
