Gjyqtari “non-grata’ Enver Bexheti afër shkarkimit, Këshilli Gjyqësor i hap procedurë të re

Këshilli Gjyqësor ka hapur një procedurë të re për shkarkimin e gjyqtarit Enver Bexheti, pasi vitin e kaluar e ka dënuar atë vetëm me 20% të pagës për mbajtjen në tavolinë të çështjes për përgjimet masive të paligjshme “Target-Fortesa” të Sasho Mijallkov. Javën e kaluar, gjyqtari i Apelit Bexheti nuk shkoi kur u thirr për të dhënë mbrojtje para Këshillit Gjyqësor. Ai dërgoi një njoftim se është i sëmurë, shkruan “Sakamdakezam.mk” në mënyrë jozyrtare. Seanca për dëgjimin e tij u shty.

Procedura e re kundër Bexhetit u hap menjëherë pasi Departamenti i Shtetit e ka futur në listën e zezë funksionarët e korruptuar, të cilët nuk janë të dëshirueshëm për të hyrë në SHBA. Nuk dihet se për cilën arsye është hapur kjo procedurë e re për shkarkimin e Bexhetit. Në Këshillin Gjyqësor thonë se sipas ligjit, këto procedura janë të fshehta. Dihet vetëm se seanca është caktuar për javën e ardhshme, kur pritet që Bexheti të vijë dhe të shfrytëzojë mundësinë për të dhënë mbrojtjen e tij.

Autoritetet hynë në kontroll në Gjykatën e Apelit nën presionin e opinionit dhe pyetjeve të përditshme se ku është çështja “Tvridina-Target”, pse gjyqtari i raportit Enver Bexheti pohon se e ka punuar për 9 muaj, çfarë ka ndodhur me çështjen “Transporter” që e mbajti për dy vjet dhe nuk e vuri për shqyrtim dhe nuk e solli në vendim. Ata arritën në përfundimin se gjyqtari Bexheti ka mbajtur këto çështje në tavolinë pa arsye ligjore për muaj ose vite dhe nuk ka lejuar që të vendoset për to.

Në fund, u hap një procedurë disiplinore dhe ai u dënuar vetëm me 20% të pagës. Për shkak të Bexhetit, mbështetësit e tij në Këshillin Gjyqësor e shkarkuan me dhunë dhe në mënyrë të paligjshme kryetaren Vesna Dameva, vetëm sepse ajo nuk e zgjodhi atë për gjyqtar të lartë, mbështetësit e tij në Këshillin Gjyqësor nuk zgjodhën as gjyqtarët e tjerë të krimeve në Gjykatën e Lartë.

Jo vetëm që ishte shkaku për grushtin në Këshillin Gjyqësor kundër Damevës, që e drejtonte Selim Ademi, mbështetur nga Milazim Mustafa, Hanif Zendele, Pavlina Crvenkovska, Tanja Çaçarova-Ilievska dhe Loreta Georgieva, por Bexheti u përdor edhe nga deputetët e VMRO-DPMNE, të cilët u përpoqën ta shkarkonin në mënyrë të paligjshme anëtarët e Këshillit, përmes interpelacioneve.