Mickoski: Nuk ka konsensus për shfuqizimin e Qeverisë Teknike

Kreu i VMRO-DPMNE-së Hristijan Mickoski, pas takimit të liderëve deklaroi se nuk ka konsensus politik për shfuqizimin e qeverisë teknike.
“Unë jam i shqetësuar për atë që deri tani nuk është plotësuar përbërja e KSHZ-së. Ne kemi kërkuar që kjo pikë të vihet në rend dite në Kuvend, ta mbyllim këtë çështje…Çështja e qeverisë teknike u hap në këtë takim, dhe nga ajo që u dëgjua nuk ekziston konsensus që të shfuqizohet qeveria teknike, edhe pse ne si opozitë e kemi kërkuar një gjë të tillë”, tha Mickoski.