Sançez: “Spanja mund të njohë Palestinën nëse BE-ja nuk e bën këtë”

Kryeministri i Spanjës Pedro Sançez, hapi mundësinë që Spanja të njohë në mënyrë të njëanshme Palestinën nëse partnerët e tjerë evropianë nuk zgjedhin njohjen e koordinuar. Nga Rafah, kryeministri argumentoi se “ka ardhur koha që komuniteti ndërkombëtar dhe mbi të gjitha BE të merr një vendim për njohjen e shtetit palestinez”.

“Do të ishte e dobishme dhe e rëndësishme ta bënim së bashku. Nëse kjo nuk ndodh, padyshim që Spanja do të marrë vendimet e veta”, nënvizoi Sançez. Lideri socialist shoqërohej nga kryeministri belg Alexander De Croo dhe të dy patën mundësinë të shihnin direkt se si ndihma humanitare hyn në Gaza përmes kalimit Rafah.