Izraeli ka vrarë 1.8 për qind të popullsisë së Gazës në dhjetë muaj
Izraeli ka vrarë rreth 1.8 për qind të popullsisë së Gazës që nga tetori i kaluar në mes të një lufte shkatërruese në enklavë, sipas shifrave të publikuara nga Byroja Qendrore Palestineze e Statistikave (PCBS).
Në një deklaratë, byroja tha se më shumë se 39,000 njerëz janë vrarë në sulmet izraelite në Gaza që nga 7 tetori 2023.
“Kjo përbën rreth 1.8 për qind të popullsisë së përgjithshme në territor,” shtoi ai.
Sipas byrosë, rreth 24 për qind e viktimave palestineze në Gaza ishin të rinj.
Ushtria izraelite vrau të shtunën mbi 100 civilë dhe plagosi dhjetëra kur një avion luftarak synoi palestinezët që falnin namazin e sabahut në shkollën Tabaeen në lagjen Daraj në qytetin e Gazës, sipas autoriteteve shëndetësore.
Shifrat treguan se uria ka vrarë 34 njerëz në Gaza, me rreth 3,500 fëmijë në rrezik të vdekjes për shkak të kequshqyerjes dhe mungesës së ushqimit.
Sipas byrosë, rreth 70 për qind e të plagosurve në Gaza janë gra dhe fëmijë, ndërsa rreth 10,000 njerëz janë ende të zhdukur dhe rreth dy milionë janë zhvendosur.
Ai tha se 620 palestinezë janë vrarë nga zjarri izraelit në Bregun Perëndimor të pushtuar, me rreth 75 për qind të vdekjeve në mesin e njerëzve nën moshën 30 vjeç. /TRTworld/
