Gostivar: Vetura e drejtuar nga 75-vjeçari del nga rruga, lëndohet rëndë bashkëudhëtarja e tij
MPB ka njoftuar se dje më 03.08.2024 në orën 14:40 në Stacionin Policor Gostivar është raportuar se në lagjen Tullana në Gostivar, një automjet udhëtarësh “Opel” me targa të Gostivarit, i drejtuar nga N.F. (75) nga fshati Bellovishtë, Gostivar, ka dalë jashtë rrugës.
Në aksident, bashkëudhëtarja e tij D.B. (53) nga fshati Bellovishtë ka pësuar lëndime të rënda trupore, të cilat janë konstatuar në Spitalin e Përgjithshëm të Gostivarit.
Një ekip hetimi nga SPB Gostivar ka kryer inspektimin.
