Mexhiti uron Ibrahimin: I nderuar profesor, jam i bindur se nën drejtimin tuaj Alternativa do të vazhdojë të jetë e fuqishme

Kryetari i LD-së dhe njëri nga liderët e koalicionit VLEN, Izet Mexhiti i ka uruar Zeqirija Ibrahimit zgjedhjen në psotin e kryetarit të Alternativës.

Urimi i plotë i Mexhitit në Facebook:

I nderuar profesor Zeqirija Ibrahimi,

Me kënaqësi të madhe dhe ndjenjë të thellë respekti, ju uroj përzemërsisht për zgjedhjen tuaj kryetar të Alternatives, në Kongresin e Jashtëzakonshëm të mbajtur sot në Kumanovë.

Jam i bindur se nën drejtimin tuaj, Alternativa do të vazhdojë të jetë e fuqishme, dhe të kontribuojë në zhvillimin e mëtejshëm të vendit tonë.

Dua të shpreh mirënjohjen time të thellë për Afrim Gashin, tashmë ish kryetarin e Alternativës dhe kryetarin aktual të Kuvendit të RMV-së, me të cilin bashkëpunimin do ta vazhdojmë në kuadër të institucioneve shtetërore, për realizimin e interesave të të gjithë qytetarëve të vendit, veçmas shqiptarëve, në mënyrë që t’i përmbushim premtimet e dhëna.

Unë dhe ekipi im jemi të përkushtuar për të vazhduar edhe me ju, bashkëpunimin e shkëlqyer, që kemi ndërtuar deri më tani me Alternativën.

Me respekt dhe urime të sinqerta,

Ju dëshiroj suksese të mëtejshme, në këtë detyrë të re dhe të rëndësishme!

Të ngjajshme

Leave a Reply

Your email address will not be published. Required fields are marked *

Back to top button