Të paktën tre persona u vranë në një sulm me raketa në Kharkiv

Forcat ruse goditën me raketa tre lokacione në qytetin ukrainas të Kharkiv mbrëmë, duke vrarë të paktën tre persona dhe duke plagosur 16, thanë zyrtarët lokalë.

Shefi i policisë së Kharkiv, Volodymyr Tymoshenko tha se një ndërtesë apartamentesh, një dyqan në një ndërtesë trekatëshe dhe një fabrikë qepëse u goditën.

Guvernatori rajonal Oleh Sinehubov tha se një teknik mjekësor dhe një djalë 12-vjeçar ishin në mesin e të plagosurve, raporton Unian.

Forcat ruse nisën një sulm me raketa në Kiev herët këtë mëngjes dhe administrata e qytetit njoftoi se mbrojtja ajrore e Ukrainës rrëzoi të gjitha raketat.

Siç u tha, forcat ruse përdorën raketa lundrimi dhe si pasojë e rënies së fragmenteve të raketave, një zjarr shpërtheu në një ndërtesë jo-banesore, transmeton Unian.

Sipas informacioneve paraprake nuk ka viktima.