Gjeorgji, plas sherri në Kuvend, deputetja i hedh kolegut shishen e ujit në kokë (VIDEO)
Mediat e huaja raportojnë se një deputete në Gjeorgji goditi sot kolegun e saj me një shishe uji. Debati në Kuvend nisi për shkak të çështjes për “agjentët e huaj”, e cila ka shkaktuar polemika në vend.
Në videon e publikuar në rrjetet sociale, duket deputetja e cila godet në kokë kolegun e saj me shishen e ujit, që mendohet se është shishe plastike.
Ndërkohë, ky i fundit i bërtet dhe i drejton gishtin. Kohët e fundit, në Gjeorgji kanë shpërthyer protesta dhe tubime, lidhur me “agjentët e huaj”.
🇬🇪 Consideration of the draft #law on foreign agents, which is taking place in the #Georgian parliament, is accompanied by altercations between representatives of the authorities and the opposition.#CaliberAz #Georgia #parliament pic.twitter.com/r1hp5lLZah
— Caliber English (@CaliberEnglish) April 29, 2024
Projektligji që ka shkaktuar polemika, kërkon që organizatat që marrin më shumë se 20 për qind të financimit të tyre nga jashtë, të regjistrohen si “agjentë të huaj”.
Kundërshtarët e projektligjit e quajnë këtë ligj autoritar dhe “të frymëzuar nga Rusia”, por partia në pushtet “Ëndrra Gjeorgjiane”, thotë se është e nevojshme të sigurohet transparencë në financimin e organizatave joqeveritare.
