Afrika e Jugut me kërkesë urgjente kundër Izraelit në Hagë
Afrika e Jugut i është përgjigjur edhe një herë katastrofës urgjente humanitare në Gaza të shkaktuar nga “sulmi i vazhdueshëm i regjimit izraelit, duke paraqitur një “kërkesë urgjente për masa shtesë të përkohshme dhe modifikimin e vendimeve të përkohshme të GJND-së në çështjen e gjenocidit kundër Izraelit”.
Afrika e Jugut deklaroi se ky veprim u ndërmor pas “fakteve të reja dhe ndryshimeve në situatën në Gaza, veçanërisht situatës së urisë së përhapur”.
Sipas kërkesës, krimet kundër njerëzimit të kryera nga entiteti pushtues kundër palestinezëve janë shkelje e Konventës për Parandalimin dhe Ndëshkimin e Krimit të Gjenocidit dhe shkelje të masave të përkohshme të nxjerra nga GJND në janar.
Regjimi izraelit është akuzuar për gjenocid në Gjykatën Ndërkombëtare të Drejtësisë dhe një vendim i përkohshëm në janar i kërkoi Tel Avivit të ndalojë aktet e tij gjenocidale dhe të përpiqet të sigurojë që ndihma humanitare të ofrohet për civilët në Gaza. Regjimi izraelit ka shkelur plotësisht urdhrin.
Regjimi izraelit ka vrarë më shumë se 30,700 palestinezë që nga 7 tetori 2023, dhe ka plagosur më shumë se 70,200 palestinezë dhe ka shkatërruar mbi 60% të infrastrukturës së Gazës.
Entiteti pushtues ka vendosur gjithashtu një bllokadë çnjerëzore në Gaza, duke e shtyrë të gjithë popullsinë drejt një krize urie të shkaktuar nga njeriu, me banorët e Gazës Veriore në prag të urisë. 85% e popullsisë së Gazës tani janë të zhvendosur brenda vendit pa akses në ushqim të mjaftueshëm, ujë të pastër dhe ilaçe.
