Erdogan kritikon mosveprimin e kombeve kundër “politikave gjenocidale” të Izraelit

Presidenti i Türkiyes, Recep Tayyip Erdoğan, ka kritikuar vendet që nuk kanë ndërmarrë veprime kundër “politikave gjenocidale” të Izraelit në Gaza, raporton Anadolu.

“A i keni parë ata, që vazhdimisht i japin leksione pjesës tjetër të njerëzimit mbi të drejtat dhe ligjin, duke ndërmarrë veprime kundër politikave gjenocidale të Izraelit”, tha presidenti Erdoğan në një aktivitet në Istanbul për shënimin e Ditës Ndërkombëtare të Gruas.

Duke kritikuar ata që guxojnë të mësojnë njerëzimin për të drejtat e njeriut, Erdoğan tha se ata “kurrë nuk flasin për ngacmimet, dhunën, diskriminimin dhe praktikat e padrejta kundër grave në lagjet e tyre”.

Izraeli vazhdon ofensivën ushtarake në Rripin e Gazës në hakmarrje të një sulmi të 7 tetorit nga Hamasi kur Tel Avivi thotë se u vranë rreth 1.200 njerëz. Të paktën 30.800 palestinezë janë vrarë që atëherë në Gaza dhe rreth 73 mijë të tjerë janë plagosur në mes të shkatërrimit të gjerë në enklavën bregdetare.

Në një vendim të përkohshëm në muajin janar, Gjykata Ndërkombëtare e Drejtësisë urdhëroi Izraelit të ndalojë aktet gjenocidale dhe të marrë masa për të garantuar ofrimin e ndihmës humanitare për civilët në Gaza.

Armiqësitë kanë vazhduar në mënyrë të pandërprerë, megjithatë edhe dërgesat e ndihmave mbeten mjerisht të pamjaftueshme për të përballuar katastrofën humanitare në Gaza.

Presidenti Erdoğan gjithashtu u kushtoi vëmendje arritjeve të Türkiyes drejt barazisë gjinore, duke theksuar se përfaqësimi i femrave në mekanizmat vendimmarrëse të vendit është rritur “katër deri në pesë herë”, ndërsa numri i grave të punësuara është rritur nga 6 milionë në 10,5 milionë.

Numri i deputeteve gra në parlamentin turk arriti nivelin më të lartë në histori në zgjedhjet e fundit, pasi 121 gra siguruan ulëse në legjislaturën prej 600-anëtarësh.