Zgjedhjet në Bërvenicë/Gashi: Relacionet në koalicion janë stabile dhe korrekte, po vazhdojmë të punojmë në realizimin e prioriteteve!
Kryetari i Parlamentit të Republikës së Maqedonisë së Veriut, Afrim Gashi, intervistën e radhës e dha për emisionin 360 Shkallë në MTV 1.
Gashi i pyetur për raportet e koalicionit pas zgjedhjeve në Bërvenicë, ka nënvizuar se raportet janë të shkëlqyera.
“ Ato deklarata pas zgjedhjeve , ajo eufori e politikës ditore, asnjëherë nuk do të dëshiroja ta komentoj, ia lë vet partive politike këtë temë. Ajo që e di unë, është se relacionet në koalicion janë stabile, korrekte. Po vazhdojmë që të punojmë në realizimin e prioriteteve dhe programeve”, deklaroi Gashi.
