Bislimi vlerëson punën e stafit pas hapjes së repartit të ri në Spitalin Psikiatrik të Shkupit
Është hapur Reparti i Dytë i Meshkujve në Spitalin Psikiatrik të Shkupit, me qëllim përmirësimin e kushteve për pacientët dhe të shërbimeve në këtë institucion shëndetësor.
Në hapjen e repartit mori pjesë edhe zëvendësdrejtori i Fondit për Sigurim Shëndetësor dhe Pensional, Sedat Bislimi, i cili vlerësoi punën që po bëhet për përmirësimin e kushteve në spital.
“Është kënaqësi të shohim përmirësimin e kushteve për pacientët dhe punën që po bëhet në këtë institucion”, deklaroi Bislimi.
Ai përgëzoi drejtorin e Spitalit Psikiatrik, Isa Avdullai, si dhe të gjithë stafin për angazhimin dhe përkushtimin e treguar.
“Shëndetësia ka nevojë për punë konkrete që sjellin ndryshime për qytetarët”, theksoi Bislimi.
Hapja e repartit përbën një hap drejt përmirësimit të kushteve të trajtimit dhe kujdesit për pacientët në Spitalin Psikiatrik të Shkupit.
