MEPSO dhuron tre milionë denarë për Klinikën e Kirurgjisë Torakale, drejtori Burim Latifi nderohet me mirënjohje
MEPSO ka dhuruar tre milionë denarë për Klinikën Universitare për Kirurgji Torakale dhe Vaskulare në Shkup, me qëllim përmirësimin e kushteve të qëndrimit dhe trajtimit të pacientëve.
Drejtori i përgjithshëm i MEPSO-s, doc. dr. Burim Latifi, ka vizituar klinikën, ku mjetet financiare të dhuruara nga kjo kompani janë dedikuar për blerjen e shtretërve të rinj spitalorë.
Ky donacion synon të krijojë kushte më të mira për pacientët dhe të kontribuojë në ofrimin e kujdesit shëndetësor më cilësor gjatë qëndrimit të tyre në spital.
Gjatë vizitës, drejtuesit e Klinikës Universitare për Kirurgji Torakale dhe Vaskulare i kanë ndarë mirënjohje drejtorit të MEPSO-s, Burim Latifi, në shenjë falënderimi për mbështetjen financiare dhe kontributin në përmirësimin e kushteve për pacientët.
Përmes këtij donacioni, MEPSO riafirmon angazhimin për mbështetjen e institucioneve shëndetësore dhe investimin në mirëqenien e qytetarëve, duke kontribuar në krijimin e kushteve më të përshtatshme për trajtim dhe kujdes shëndetësor.
Mbështetja e institucioneve shëndetësore përmes donacioneve paraqet një kontribut të rëndësishëm në përmirësimin e infrastrukturës spitalore dhe në krijimin e kushteve më të mira për pacientët dhe personelin shëndetësor.
