Tirana reagon për varrin masiv në Kalludër: Dëshmi e krimeve të luftës në Kosovë
Ministria për Evropën dhe Punët e Jashtme e Shqipërisë ka reaguar pas zbulimit të varrit masiv në Kalludër të Kosovës, duke u shprehur se gjetja dëshmon se pasojat e luftës në Kosovë vazhdojnë të rëndojnë mbi familjet e viktimave dhe personave të zhdukur.
Përmes një deklarate në platformën X, ministria tha se eshtrat e gjetura rikthejnë në vëmendje krimet e kryera gjatë luftës dhe nevojën për pranimin e përgjegjësisë dhe vendosjen e drejtësisë.
Sipas MEPJ-së, identifikimi i viktimave është veçanërisht i rëndësishëm për familjet që prej më shumë se 20 vjetësh presin të mësojnë fatin e të afërmve të tyre.
