Goditje për Barcelonën dhe Spanjën: Fermin Lopez operohet, rrezikon Botërorin 2026
Mesfushori i FC Barcelona, Fermín López, do t’i nënshtrohet një operacioni pas frakturës së pësuar në kockë gjatë ndeshjes ndaj Real Betis në La Liga.
Sipas vlerësimeve mjekësore, lëndimi kërkon ndërhyrje kirurgjikale dhe një periudhë rikuperimi prej të paktën dy muajsh, duke e vënë seriozisht në dyshim pjesëmarrjen e tij në FIFA World Cup 2026.
Klubi katalanas ka konfirmuar se 23-vjeçari u dëmtua pas një goditjeje në shputë gjatë fitores 3-1 dhe u detyrua të largohej nga loja në pjesën e parë.
Fermín López shihej si një nga lojtarët e rëndësishëm të Spanjës për turneun e ardhshëm, pas paraqitjeve të tij në UEFA Euro 2024 dhe suksesit në Lojërat Olimpike, ndërsa përzgjedhësi Luis de la Fuente pritet të publikojë listën zyrtare më 25 maj.
