Izraeli sulmon Libanin jugor me predha fosfori të ndaluara ndërkombëtarisht

Ushtria izraelite bombardoi të martën qyteza në jug të Libanit me municione fosfori, njoftoi Agjencia Kombëtare e Lajmeve (NNA) e vendit, transmeton Anadolu.

Agjencia raportoi se qytezat Kounine dhe Beit Yahoun në rrethin Bint Jbeil u goditën me predha artilerie që përmbanin fosfor, të cilat janë të ndaluara ndërkombëtarisht.

Avionët luftarakë izraelitë kryen veçmas sulme ajrore në qytezat Kafra, Braachit dhe Safad al-Battikh në rrethin Tyre, thuhet në lajm.

Sipas agjencisë, sulme të tjera ndodhën në Beit al-Sayyad dhe Mansouri, ku tri sulme kishin në shënjestër shtëpi banimi.

Nuk u raportuan viktima.

Pavarësisht një armëpushimi që u shpall më 17 prill dhe u zgjat deri më 17 maj, ushtria izraelite vazhdon sulmet e përditshme në Liban dhe shkatërrimin e gjerë të shtëpive në dhjetëra fshatra.

Ministria e Shëndetësisë e Libanit tha të martën se numri i të vdekurve nga sulmet izraelite që nga 2 marsi ka arritur në 2.702, ndërsa 8.311 persona janë plagosur.