SHBA, të paktën 8 fëmijë të vrarë nga të shtënat në Luiziana
Të paktën 8 fëmijë u vranë dhe disa persona të tjerë u plagosën nga të shtënat me armë në shtetin amerikan të Luizianës të dielën, në atë që autoritetet e përshkruan si një incident dhune në familje, transmeton Anadolu.
Policia e Shreveport tha se oficerët iu përgjigjën menjëherë pas orës 6 të mëngjesit sipas kohës lokale raportimeve për një shqetësim. I dyshuari, i identifikuar si Shamar Elkins, fillimisht qëlloi një grua në Rrugën Harrison përpara se të shkonte në një shtëpi në rrugën “West 79th”, ku u vranë 8 fëmijët.
Policia tha se fëmijët ishin të moshës nga 1 deri në 14-vjeç. Shtatë nga viktimat ishin fëmijët e Elkins, ndërsa e teta ishte një mike e familjes.
Dy gra u plagosën rëndë dhe po trajtohen në një spital lokal. Një adoleshent gjithashtu pësoi lëndime jo kërcënuese për jetën.
Policia tha se i dyshuari grabiti një mashkull të rritur me armë pranë kryqëzimit të “Linwood Avenue” dhe “West 79th Street” dhe oficerët filluan një ndjekje që kaloi Lumin e Kuq në Famullinë fqinje Bossier.
Ndjekja përfundoi në Bossier City, ku ndodhi një shkëmbim zjarri midis forcave të rendit dhe të dyshuarit, i cili u qëllua për vdekje në vendngjarje.
Policia shtetërore e Luizianës do të udhëheq hetimin për të shtënat me armë zjarri, me gjetjet paraprake që tregojnë se oficerët vepruan brenda politikës së departamentit.
Zëdhënësi i Departamentit të Policisë në Shreveport, Christopher Bordelon tha se hetuesit besojnë se i dyshuari ishte i vetmi person që hapi zjarr në vendet e ngjarjes.
Kryebashkiaku i Shreveport, Tom Arceneaux e përshkroi sulmin si “ndoshta situatën më të keqe tragjike që kemi pasur ndonjëherë”, duke shtuar: “Është një mëngjes i tmerrshëm”.
