Bekim Sali merr pjesë në iftarin e organizuar nga Fondacioni Maarif
Zëvendëskryeministri i parë, Bekim Sali, mori pjesë në iftarin e organizuar nga Fondacioni Maarif, i cili u mbajt nën patronazhin e ambasadorit të Republika e Turqisë në vend, Fatih Ulusoy.
Në një njoftim publik, Sali theksoi rëndësinë e bashkëpunimit mes institucioneve të vendit dhe atyre arsimore, kulturore e shkencore që veprojnë në kuadër të Turqisë.
“Bashkëpunimi dhe miqësia mes vendit tonë dhe institucioneve arsimore, kulturore dhe shkencore të themeluara në Republikën e Turqisë, si dhe kontributi i Fondacionit ‘Maarif’, tregojnë se arsimi dhe kultura janë ura që i afrojnë popujt dhe i pasurojnë shoqëritë tona”, u shpreh Sali në fjalën e tij përshëndetëse.
Ai shtoi se ky takim u zhvillua në një atmosferë të veçantë gjatë muajit të shenjtë të Ramazani, duke theksuar rëndësinë shpirtërore dhe solidaritetin që sjell kjo periudhë.
“Në këtë muaj të shenjtë të Ramazanit bashkërisht u lutëm që Zoti ta pranojë agjërimin tonë dhe lutjet tona”, theksoi zëvendëskryeministri i parë.
