Vulin: Unë e kam dhënë urdhrin për arrestimin e Sanduloviqit, shërbimet tjera i vrasin tradhtarët
Ish-shefi i BIA-s, Aleksander Vulin ka thënë se politikani serb, Nikolla Sanduloviq u arrestua si rezultat i një urdhri që e ka dhënë sa ka qenë në krye të inteligjencës serbe.
Sanduloviq është arrestua dhe rrahur brutalisht nga BIA serbe, e bija e tij kishte thënë se kjo u bë për shkak se ai nderoi rënien e komandantit legjendar Adem Jashari.
“Sanduloviq është arrestuar sipas një urdhri tim, që mbetet në fuqi edhe pas dorëheqjes time. Ai është ndaluar nën dyshimet për minimin e rendit kushtetues dhe në mënyrë aktive ka mbështetur të ashtuquajturën ndarje të Kosovës.” – ka thënë Vulin për Novostin.
Ai tutje ka thënë se Sanduloviq është ndaluar “me urdhër timin dhe të prokurorit”.
Vulin tutje iu ka kërkuar falje serbëve se s’mundet të bëj më shumë lidhur me këto raste.
“I kërkoj falje Serbisë që nuk mund të bëj asgjë më shumë. Nuk e di se për cilët tradhtarë të tjerë janë aktive urdhrat e mi për arrestimin dhe sjelljen e tyre para prokurorëve kompetentë, por është mirë që tradhtarët të kontrollojnë vetën, shpresoj që urdhrat të mos jenë hequr.” – ka thënë Vulin.
