Merz: Urgjente të përdoren asetet ruse për Ukrainën
Kancelari gjerman Friedrich Merz deklaroi se po bëhet gjithnjë e më urgjente të përdoren asetet e ngrira ruse për të mbështetur Ukrainën, duke shprehur shpresën për një marrëveshje të shpejtë të Bashkimit Evropian për këtë çështje.
Gjatë një konference për shtyp me kryeministrin slloven, Robert Golob, Merz theksoi se Ukraina ka nevojë për mbështetje.
Po përpiqemi të arrijmë një zgjidhje të përbashkët brenda BE-së. Përdorimi i aseteve të ngrira ruse është një nevojë urgjente. Ukraina ka nevojë për mbështetjen tonë. Dimri po afron, ose më saktë, jemi tashmë në dimër, dhe për këtë arsye shpresoj se mund të arrijmë një zgjidhje.”, tha Merz.
Muajin e kaluar, liderët e BE-së u përpoqën të finalizonin një plan për të përdorur 140 miliardë euro asete të ngrira ruse si një hua për Kievin, por nuk arritën të siguronin mbështetjen e Belgjikës.
Kryeministri slloven tha se vendet anëtare të Bashkimit Evropian kanë një qëllim të përbashkët.
“Si Belgjika ashtu edhe të gjitha shtetet e tjera anëtare evropiane, me ndoshta një përjashtim, kemi një qëllim të përbashkët dhe ky qëllim i përbashkët është të gjejmë dhe të përdorim të gjitha mjetet që kemi në dispozicion për të sjellë paqe në Ukrainë. I vetmi ndryshim në këtë pikë është rruga që ndjekim për të arritur atje.”, tha Robert Golob, kryeministri i Slllovenisë.
Përdorimi i aseteve të ngrira si ndihmë për Ukrainën po shqyrtohet nga vendet evropiane. Lajmi u konfirmua nga zëdhënësja e Komisionit të BE-së, Paula Pinho.
Ajo shtoi se puna mes aleatëve të Bashkimit Evropian vijon intensivisht, përfshirë edhe Belgjikën
