1.451 vëzhgues vendorë dhe të huaj janë akredituar për zgjedhjet lokale

Zgjedhjet e tetë lokale në Maqedoninë e Veriut, që do të mbahen të dielën, do të monitorohen nga gjithsej 1.451 vëzhgues vendorë dhe të huaj, njofton Komisioni Shtetëror i Zgjedhjeve (KSHZ). Janë akredituar 807 vëzhgues vendorë dhe 644 të huaj, ndërsa për ndjekjen e procesit zgjedhor janë regjistruar edhe 12 gazetarë të huaj.

Ndër organizatat vendore me numrin më të madh të vëzhguesve është Shoqata për zhvillim të inovacioneve shoqërore “Wake Up” – Shkup, me 549 vëzhgues. Gjithashtu, zgjedhjet do të monitorohen nga:

• MKC-Bitola me 23 vëzhgues,

• LAG Agro Lider-Krivogashtani me 5,

• Interaktiv Bitola me 8,

• Romalitiko-Skopje me 10,

• Shoqata për zhvillim shoqëror “Za Tetovo” me 5,

• Këshilli Kombëtar për Barazi Gjinore me 25,

• Klubi sportiv “KAB Struga” me 16,

• Eurothink – Qendra për Strategji Evropiane me 4,

• Qendra Civile për Liri – Shkup (CIVIL) me 60,

• Tri Si Konsalting – Shkup me 6,

• Instituti për Strategji Ekonomike dhe Marrëdhënie Ndërkombëtare – Ohër me 27,

• Rrjeti Kombëtar “Gratë për Gratë” me 20,

• Qendra Kombëtare Rome – Kumanovë me 2,

• Democracy Lab – Tetovë me 4,

• Qendra për Hulumtime Strategjike dhe Analiza – Bitolë (CSIA) me 1,

• Shoqata “Inkluziva” me 11,

• Instituti për Ndryshim Social (INSOK) me 10,

• dhe Shoqata për të Drejta dhe Humanitet “Integra Now” me 10 vëzhgues.

Sipas të dhënave nga faqja zyrtare e KSHZ-së, numrin më të madh të vëzhguesve ndërkombëtarë e ka ODIHR – Zyra për Institucione Demokratike dhe të Drejta të Njeriut, me 524 vëzhgues. Më pas vijnë:

• Ambasada e SHBA-së në Shkup me 30,

• Parlamenti Evropian me 12,

• Ambasada Britanike në Shkup me 11,

• Komisioni Shtetëror i Zgjedhjeve i Kroacisë me 2,

• Ambasada Hungareze me 8,

• Qendra për Zhvillim, Reforma dhe Trajnime të Sistemeve Zgjedhore të Gjeorgjisë me 2,

• Ambasada e Sllovakisë me 1,

• Komisioni Qendror Zgjedhor i Ukrainës me 1,

• Fondacioni Ndërkombëtar për Sisteme Zgjedhore (IFES) – dega në RMV me 7,

• Ambasada e Francës me 9,

• Ambasada e Mbretërisë së Holandës me 10,

• Instituti për Bashkëpunim dhe Zhvillim – Francë me 1,

• Këshilli i Lartë Zgjedhor i Republikës së Turqisë me 2,

• Ambasada e Zvicrës me 3,

• Komisioni Shtetëror i Zgjedhjeve i Moldavisë me 2,

• Ambasada e Republikës së Shqipërisë me 4,

• Ambasada e Turqisë me 1,

• Ambasada e Kosovës me 3,

• Qendra e Trajnimit e Moldavisë me 1,

• dhe Komisioni Qendror i Zgjedhjeve i Kosovës me 10 vëzhgues.